Liebi Hagnecker Ching,
Ou das Jahr chunnt dr Samichlous wider zu üs uf Hagneck, aber leider wieder nid so wie dir öich das eigentlech gwohnt sit. Wüu ou är sech immerno ad Covid-19 Regle muess halte, chan er nid i Eselstall cho und ou nid mit euch es Stück Züpfe, Mandarindli, Nüssli und Schöggeli cho ässe im alte Füürwehrmagazin.
Wüu dr Samichlous öich aber ganz fescht gärn het u dir hoffentlech aui brav sit gsy das Jahr, chöit dir am Sunnti 5. Dezämber am Abä es Stifeli vor öii Huustür steue u wär weiss, vilech isch ja de am nächschte Morge öpis drin!
Mir wünsche öich aune e schöni Vorwiehnachtszyt, häbet Sorg und blibet gsund!